ચાલુ વર્તમાનકાળ

ચાલુ વર્તમાનકાળ

વર્તમાનકાળ , ભૂતકાળ કે ભવિષ્યકાળમાં કોઈ ક્રીયા ચાલુ હોય તે બતાવવા માટે ચાલુ કાળ વાપરવામાં આવે છે. એટલે ચાલુ વર્તમાનકાળ , ચાલુ ભૂતકાળ અને ચાલુ ભવિષ્યકાળ , એમ ક્રીયાપદનાં ચાલુ કાળનાં ત્રણ રૂપો થાય છે.

ચાલુ વર્તમાનકાળ બનાવવા માટે ક્રીયાપદનાં વર્તમાન કૃદંતની આગળ to be ક્રીયાપદનાં વર્તમાનકાળનાં am , is અને are રૂપો વાપરવા જોઇએ.

કૃદંત :- કૃદંત અપૂર્ણ ક્રીયા બતાવે છે. જેમકે " ખાવું " ઉપરથી " ખાતો " એ કૃદંત થાય.

કૃદંત બનાવવા માટે ક્રીયાપદને ing લગાડવું જોઇએ જેમકે ,

to walk ( વોક ) ચાલવું - walking ( વોકીંગ ) ચાલતો ,

to eat ( ઇટ ) ખાવું - eating ( ઇટીગ ) ખાતો ,

નીચેનાં વાક્યો તપાસો : -

( 1 ) હું વાર્તાની ચોપડી વાંચુ છું.
       I am reading a story-book.

( 2 ) તે નિશાળે જાય છે.
       He is going to school.

( 3 ) રાધા દરવાજો ઉઘાડે છે.
       Radha is opening the door.

( 4 ) તમે હમણાં દાખલા કરો છો.
       You are doing sums now.

ઉપરનાં વાક્યોમાં " am reading " , " is going " , " is opening " , અને " are doing " આ ચાર ક્રીયાપદો વાંચવાની , જાવવાની , ઉઘાડવાની , અને કરવાની ક્રીયા ઓ હમણાં ચાલુ છે એમ બતાવે છે.

આમ , આ બધાં ક્રીયાપદો ચાલુ વર્તમાનકાળમાં છે. નીચે ચાલુ વર્તમાનકાળનાં રૂપો આપેલાં છે તે ધ્યાનમાં રાખો :

To walk ( ટુ વોક ) ચાલવું

એકવચન - Singular

પ્ર. પુરુષ : - I am walking : - હું ચાલું છું.
બી. પુરુષ : - You are walking :- તું ચાલે છે.
ત્રી. પુરુષ : - He is walking :- તે ચાલે.( પુરૂષ ) છે.
                    She is walking :- તે ચાલે ( સ્ત્રી ) છે.
                    It is walking : - તે ચાલે ( નાન્યતર )છે.

બહુવચન - Plural

પ્ર. પુરુષ :- We are walking : - અમે ચાલીએ છીએ.
બી. પુરુષ : - You are walking : - તમે ચાલો છો.
ત્રી. પુરુષ : - They are walking : - તેઓ ચાલે છે.
( પુરૂષ , સ્ત્રી , નાન્યતર )

નોંધ : -

( 1 ) ક્રીયાપદને છેડે વ્યંજન હોય અને તેની પહેલાં એક જ સ્વર હોય તો ing લગાડતા પહેલાં છેલ્લા વ્યંજનને બેવ - ડાવવો જેમકે : - run - running.

( 2 ) ક્રીયાપદના મૂળ રૂપને છેડે એક જ વ્યંજન હોય પણ તેની આગળ આવેલો સ્વર ભારપૂર્વક ઉચ્ચારાતો ન હોય તો છેલ્લો વ્યંજન બેવડાવાતો નથી ;  જેમકે , open - opening , gather -gathering.

( 3 ) ધ્યાનમાં રાખો કે close , graze ,જેવાં ક્રીયાપદો કે જેને છેડે e આવે છે પણ તેનો ઉચ્ચાર થતો ન હોય તો તેવાં ક્રીયાપદોને ing પ્રત્યય લગાડતા e દૂર કરવામાં આવે છે. જેમકે , close - closing, graze - grazing.

પરંતુ be તથા see ક્રીયાપદમાં e નો ઉચ્ચાર થાય છે , તેથી તેમનાં રૂપો being તથા seeing થાય છે.

( 4 ) જે ક્રીયા રોજ બનતી હોય કે કુદરતી રીતે જ બનતી હોય ત્યારે ચાલું વર્તમાન કાળ ન વાપરતા સાદો વર્તમાન કાળ જ વાપરવો જેમકે ,

( 1 ) સૂર્ય પૂર્વમાં ઉગે છે.
       The sun rises in the east.

( 2 ) ગાય ઘાસ ખાય છે.
       The cow eats grass.

મનોયત્ન : -

( 1 ) જુઓ , સૂર્ય ઉગે છે.
        Look , the sun is rising.

( 2 ) તેઓ અમને ( અત્યારે ) બોલાવે છે.
       They are calling us.

( 3 ) હું અત્યારે વાંચુ છું.
       I am reading now.

( 4 ) ખેડૂતો કામ કરે છે.
        The farmers are working.

( 5 ) જુઓ , પક્ષીઓ આકાશમાં ઉડે છે.
       Look , the birds are flying in the sky.

( 6 ) જુઓ , તે છોકરો નદીમાં તરે છે.
       Look , that boy is swimming in the river.

( 7 ) કૂતરો ભસે છે.
       The dog is barking.

( 8 ) અત્યારે વરસાદ વરસે છે.
        Rain is falling now.

( 9 ) હું ફૂલો એકઠાં કરું છું.
       I am gathering flowers.

( 10 ) છોકરો કેળુ ખાય છે.
          The boy is eating a banana.

( 11 ) છોકરાઓ અત્યારે ક્રીકેટ રમે છે.
          Boys are playing cricket now.

( 12 ) અમે છાપું વાંચીએ છીએ.
          We are reading newspaper.

( 13 ) બળદ અત્યારે ઘાસ ખાય છે.
         The ox is eating grass now.

( 14 ) હું સફરજન કાપુ છું.
          I am cutting an apple.

( 15 ) પેલી છોકરીઓ નિશાળે જાય છે.
          Those girls are going to school.